BOIPLUS SPORTS BLOG

KOCHA Mkuu wa timu ya Taifa 'Taifa Stars', Charles Boniface Mkwasa leo ametangaza kikosi cha wachezaji 28 watakoingia kambini Jumapili jioni kujiandaa na mchezo dhidi ya Algeria Novemba 14 jijini Dar es salaam na marudiano kufanyika Novemba 17 nchini Algeria.

Akizungumza na waandishi wa Habari katika hoteli ya Serena jijini Dar es Salaam, Mkwasa amesema kikosi chake hicho kitaweka kambi nchini Omani kwa siku 10 kujiandaa na mchezo wa kuwania kufuzu kwa hatua ya makundi ya Kombe la Dunia nchini Urusi mwaka 2018 dhidi ya Algeria.


Katika kikosi hicho, Mkwasa amewaita wachezaji wapya sita wakiwemo Salim Mbonde, Jonas Mkude, Salum Abubakar, Malimi Busungu na Ramadhani Kessy kufanya idadi ya wachezaji 28.

Wachezaji aliowaita ni Magolikipa ni Ally Mustafa (Yanga), Aishi Manula (Azam), Said Mohamed (Mtibwa Sugar), walinzi wa pembeni Kessy Ramadhani, Mohamed Hussein (Simba), Juma Abdul, Haji Mwinyi (Yanga) na Shomari Kapombe (Azam), Walinzi wa kati ni Salim Mbonde (Mtibwa Sugar), Hassan Isihaka (Simba), Kelvin Yondani na nahodha Nadir Haroub (Yanga).

Viungo ni Salum Telela (Yanga), Salum Abubakar, Himid Mao, Mudathir Yahya, Frank Domayo (Azam), Jonas Mkude na Said Ndemla (Simba), washambuliaji wa pembeni Farid Musa (Azam), Saimon Msuva (Yanga) na Mrisho Ngasa (Free State Stars – Afrika Kusini).

Washambuliaji wa kati ni John Bocco (Azam), Elias Maguri (Stand United), Ibrahim Ajibu (Simba), Busungu (Yanga), Mbwana Samata na Thomas Ulimwengu (TP Mazembe – Congo DR).

Post a Comment

 
Top