BOIPLUS SPORTS BLOG

KATIKA kuimarisha maandalizi ya timu ya Taifa 'Taifa Stars' kuelekea katika mashindano mbalimbali ikiwemo mechi mbili za ugenini na nyumbani dhidi ya Algeria, Rais wa TFF Jamal Malinzi ameunda kamati maalum itakayoitwa 'Kamati ya Taifa Stars' ambayo majukumu yake yatakuwa:
 (i) Kuimarisha huduma kwa wachezaji,
 (ii) Uhamasishaji na Masoko,
 (iii) Kuhamasisha wachezaji,
 (iv) Kuandaa na kusimamia mkakati wa Ushindi.


Kamati hii itaongozwa na Mwenyekiti Farough Baghouzah, Teddy Mapunda (Katibu), Wajumbe ni Juma Pinto, Michael Wambura, Iman Madega, Salum Abdallah na Isaac Chanji.
Aidha Kamati hiyo imepewa jukumu la kuwashirikisha wadau mbalimbali wa mpira wa miguu katika kutekeleza majukumu hayo.
Wadau wa mpira wa miguu ambao kamati itashirikiana nao ili wajumuike na kusaidia majukumu mbalimbali katika kamati hiyo wanaombwa waitikie wito huo.
Stars imeingia hatua ya pili baada ya kuitoa Malawi kwa jumla ya mabao 2-1 hivyo itakutana na Algeria Novemba 14 katika mechi yake ya kwanza itakayochezwa Uwanja wa Taifa jijini Dar es Salaam.

Post a Comment

 
Top