BOIPLUS SPORTS BLOG

KUFUATIA tishio la Shirikisho la Mpira wa Miguu Barani Afrika (CAF) la kutaka kuifungia Zanzibar ushiriki wa shughuli za mpira duniani, Rais wa TFF, Jamal Malinzi ameitisha kikao cha usuluhishi. 

Kikao hicho kimefanyika leo katika Ukumbi wa hoteli ya Courtyard jijini Da es Salaam kilikuwa na washiriki toka pande zote za mgogoro ambao ulipelekea mambo ya mpira kupelekwa Mahakamani na wale wanaolalamikiwa ambapo Malinzi alikuwa Mwenyekiti wa kikao hicho.


Baada ya kutambua uzito wa suala lenyewe ambalo lingeweza kupelekea Zanzibar kukosa ushiriki michuano ya CAF na CECAFA ili kunusuru soka la Zanzibar na Tanzania kwa ujumla, kikao kimefikia maamuzi yafuatayo:

1. Uitishwe mkutano mkuu wa Chama cha Soka Zanzibar (ZFA) wa dharura kujadili

1.1 Mwenendo wa Kamati ya Utendaji.

1.2. Mapato na matumizi ya ZFA.

1.3. Kuteua kamati ndogo ya kuandika upya Katiba ya ZFA.

2. Rais wa ZFA, Ravia Idarus, kwa mujibu wa Katiba ya ZFA, ndiye atakeyeitisha mkutano huo.

3. Kamati ya sasa inayoendesha ligi Zanzibar, itaongezewa wajumbe watatu watakaoteuliwa na Rais wa ZFA.

Ili maamuzi haya yaweze kuwa na nguvu za kisheria na kikatiba, kikao kimeazimia kuwa mashauri yote yaondolewe mahakamani sasa na waliohusika kufungua mashitaka hayo wamekubali kuyaondoa mara moja.

Shirikisho la Mpira wa Miguu Tanzania (TFF) linazishukuru pande zote na wadau wote wa Mpira wa Zanzibar waliowezesha kufikia hatua hii muhimu katika maendeleo ya Mpira wa Zanzibar na Tanzania kwa ujumla.

Post a Comment

 
Top