BOIPLUS SPORTS BLOG


Sheila Ally
MSHAMBULIAJI wa Simba, Ibrahim Ajibu ambaye yupo nchini Misri akifanya majaribio katika timu ya Haras El Hodood  Jumamosi alifanya vipimo vya awali vya afya na kufuzu na sasa yupo kwenye mtihani wa pili wa kutazamwa uwezo wake uwanjani.

Ajibu aliondoka nchini Ijumaa wiki iliyopita ambapo atafanya majaribio ya siku 10 na kwamba akifuzu majaribio hayo basi atarejea nchini kuendelea na taratibu zingine ikiwemo viongozi wa Simba kumalizana na timu hiyo.

Ajibu ameiambia BOIPLUS kuwa anaamini atafanikiwa kwani kila kitu kinakwenda vizuri na kwamba akimaliza majaribio hayo atarejea nyumbani kumalizia mkataba wake na Simba uliobaki miezi sita.

"Kila kitu kinakwenda vizuri na vipimo kabla ya kuanza majaribio nilifanya na vipo vizuri, Mungu akipenda nitamaliza majaribio yangu mwisho mwa wiki na nitarejea nyumbani kwani bado nina mkataba na Simba," alisema Ajibu.

Ajibu ambaye msimu uliopita alikwenda kufanya majaribio Afrika Kusini lakini dili lake lilikwama kwani alibakiza mkataba wa mwaka mmoja Msimbazi na sasa hajasaini mkataba mpya lengo lake ni kwenda kucheza nje akiwa mchezaji huru.

Post a Comment

 
Top