BOIPLUS SPORTS BLOG

Sheila Ally

KIUNGO wa zamani wa Azam, Jean Babtiste Mugiraneza 'Migi' amesaini mkataba wa miaka miwili kuichezea Gor Mahia ya Kenya akichukuwa nafasi ya Khalid Aucho aliyeenda kucheza soka la kulipwa nchini Afrika Kusini.

Migi ambaye walifikia makubaliano ya kuvunja mkataba na Azam alisafiri jana kwenda kusaini mkataba huo jijini Nairobi na kurudi Dar es Salaam kuendelea kufuatilia haki zake.

Migi anawadai Azam mshahara wa miezi nane ambapo anapaswa kulipwa dola 24000 kwani mshahara wake ni dola 3000 kwa mwezi.

Meneja wa mchezaji huyo Claver Kazungu ameiambia BOIPLUS kuwa baada ya kumalizana na Azam mteja wake atarejea kwao Rwanda ndipo aende kujiunga na Gor Mahia ambao kwa sasa wapo kwenye mapumziko baada ya ligi kumalizika.

Migi ameigomea ofa aliyopata kutoka timu ya Than Quang Ninh inayoshiriki ligi ya Vietnam ambayo alitafutiwa na Mtendaji Mkuu, Saady Kawemba.

Imeelezwa kuwa Gor Mahia imesajili pia beki wa kushoto Abubakar Sibomana na mshambuliaji Jack Tuyisenge wote raia wa Rwanda ambao wanachezea timu ya APR.

Post a Comment

 
Top